Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Ambasadat nisin dhënien e letërnjoftimeve Thu Nov 25, 2010 7:46 am | |
|  Pas gati tre vjet pavarësie, Kosova ka filluar të ofrojë shërbimet konsullore, gjë që do të paraqesë lehtësim të dukshëm për mijëra qytetarë të saj që jetojnë jashtë vendit. Tash e tutje ata do të mund të aplikojnë për letërnjoftime, kurse më pas edhe për pasaporta.
Ambasada në Bruksel është e para përfaqësi shtetërore e vendit tonë ku ekspertët e Ministrisë së Punëve të Brendshme të Kosovës kanë instaluar sistemin modern për përpunimin e kërkesave për letërnjoftime.
Lëshimi në punë i këtij sistemi u bë të mërkurën në Bruksel, në praninë e ministrit të Brendshëm, Bajram Rexhepi, njofton Koha.
Sistemi i instaluar është ndër më modernët dhe përfshin jo vetëm fotografimin biometrik, por edhe marrjen elektronike të gjurmëve të gishtave, nënshkrimin e dorës dhe të gjitha elementet e tjera që garantojnë sigurinë e lartë të dokumenteve. Koha e nevojshme për marrjen e letërnjoftimit do të jetë rreth një muaj pas aplikimit.
Pas Brukselit, ekspertët e MPB-së së Kosovës do të vazhdojnë me instalimin e sistemeve të tilla edhe në konsullatat dhe ambasadat tjera të vendit në botë.
|
|
