Sipas një studimi të bërë publik nga ana e të Institutit të Shëndetit Publik, vajzat shqiptare e nisin jetën seksuale që në moshën 13-vjeçare, duke ulur kështu moshën e pjekurisë seksuale.

Sipas specialistëve të këtij institucioni kryerja e marrëdhënieve seksuale në moshë të vogël është edhe ekspozim përballë sëmundjeve seksualisht të transmetueshme siç është Hiv apo Aids.

Lidhur më këtë problem shqetësues, Ministria e Arsimit, ajo e Shëndetësisë dhe PNUD do të nisin një fushatë intensive në shkollat e vendit. Ku dy nga këshillat kryesore të paraqitura në këtë projekt do të jenë, këshillimi adoleshentëve për të mos nisur kontaktet seksuale aq herët dhe në anën tjetër për marrjen e masave parandaluese për këto sëmundje.

Faza e parë e kësaj fushate ka përfunduar me trajnimin e 500 mësuesve. Ndërsa ndërgjegjësimi do të bëhet nëpërmjet spoteve vizuale dhe kartave të cila nga skanimi i kodit në celular do të përcjelljen mesazhe sensibilizuaese për masat mbrojtëse përpara nisjes së kontaktit seksual. /tema/