Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Albani dhe Miriami: Ne festival hyjme per te fituar Thu Dec 09, 2010 12:27 am | |
|  “Ende ka shpresë” është një këngë plot dashuri, sa baladë aq dhe energjike, për të cilën Alban Skënderaj dhe Miriam Çani kanë shumë shpresë se mund të rrëmbejnë trofeun e vitit në Festivalin e 49-të të RTSH-së.
“Në festival sjellim këngën tonë të zemrës dhe hyjmë pse jo për të fituar… Dy këngëtarët shprehen kështu për gazetën “Panorama”, duke mos e fshehur aspak ambicien e tyre për të fituar kupën e këtij edicioni. Çifti i këngëtarëve të sukseshëm, që tashmë janë duke jetuar dhe një bashkëjetesë në Gjermani, u bënë objekt i thashethemeve mes këngëtarëve dhe zhurmës së krijuar në media se kishin bërë pazare paraprake duke blerë çmimin e parë të festivalit, një kupë që i çon këngëtarët automatikisht në skenën e Festivalit Europian.
Pasi zjarri i thashethemit brenda mureve të Radio-Televizionit Publik Shqiptar mori përmasa mediatike, Miriami dhe Albani pohojnë nga Gjermania se po përgatiten që në festival të sjellin një këngë vërtet të zjarrtë. Alban Skënderaj tregon se si ndihet para garës, ku në skenën e Pallatit të Kongrereseve në datat 23, 24, 25 dhjetor do të ndajnë ethet e fitores mes 32 këngëtarëve të rinj e VIP, ndërsa do të performojnë “live” në skenën ku një vit më parë provuan për herë të parë emocionet e moderatorëve:
Alban, ende pa u shpallur lista e pjesëmarrësve në festival, gjithandej gëluan fjalë se ju kishit rënë në marrëveshje për të pasur një fitore të sigurt. Ke ndonjë koment?
Në fakt, kjo gjë ndodh vetëm në Shqipëri dhe nuk është aspak e hijshme, pasi edhe kur nuk ekziston diçka, do të krijohet patjetër. Zhurma u krijua si fillim nga një këngëtare kosovare, Linda Halimi, dhe pas kësaj mbeti thjesht një thashethemnajë që u shua shpejt.
Pse mendoni se u krijua kjo thashethemnajë pikërisht për ju të dy, ndërkohë që në garë ka dhe emra të tjerë të njohur?
Po, mendoj thjesht nga ideja që ne vitin e kaluar ishim moderatorë të festivalit dhe që tashmë jemi të suksesshëm. Kjo mund të krijonte idenë se pas atij promocioni, natyrisht që do hamendësohej se kësaj here një ngjitje e jona në skenë mund të bëhej vetëm nëse do kishim të sigurt çmimin e parë. Por jo, s’ka lidhje…
E shihni këtë zhurmë si një reklamë tashmë, apo si disfavor pasi hyni në garë ndoshta me një paragjykim…
Nuk e di nëse mund të quhet reklamë. Gjithsesi, edhe pse asgjë s’kishte të vërtetë në atë që u tha, shpesh këto thashetheme të prishin punë, ndërsa kërkon të hysh në një garë si i barabartë me këngëtarët e tjerë. Mendoj se pas këtij zjarri, të cilit i është hedhur benzina ende pa filluar gara, mund të ndodhë që edhe të paragjykohemi… Por prapë them se bashkë me Miriamin në këtë garë hyjmë për të fituar dhe s‘kemi pse ta mohojmë këtë dëshirë.
Ku bazoheni në ambicien tuaj për të fituar? A keni realizuar vërtet një këngë për shijet e Festivalit Evropian?
Kënga “Ende ka shpresë” është një këngë shumë e zjarrtë, vargjet i kam shkruar unë, ndërsa për muzikën kemi punuar bashkë me Miriamin. Kemi një kohë të gjatë që punojmë për këtë këngë dhe natyrisht jemi optimistë dhe të lumtur, pasi kemi realizuar një këngë shumë të fortë, sa baladë aq dhe energjike.
|
|
