Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Zgjedhjet, test për demokracinë në Kosovë Sun Dec 12, 2010 7:54 am | |
|  Komisioni Qendror i Zgjedhjeve (KQZ) të shtunën ka bërë të ditur se janë bërë përgatitjet e duhura për organizimin e zgjedhjeve të lira parlamentare. Zgjedhjet e përgjithshme parlamentare të së dielës, të parat që nga shpallja e pavarësisë shihen si test i rëndësishëm për demokracinë e shtetit më të ri në botë.
Komisioni Qendror i Zgjedhjeve po ashtu ka njoftuar se numri i përgjithshëm i votuesve për zgjedhjet e 12 dhjetorit është 1 milion e 630 mijë e 636 persona.
Për gjithë procesin parashihet të përkujdeset Policia e Kosovës, e cila ka angazhuar rreth 6 mijë zyrtarë policorë. Për mbarëvajtjen e procesit, KQZ-ja ka paraparë që të ketë edhe listën alternative prej 75 vendvotimesh, kryesisht për viset e banuara me serbë. 114 ekipe mobile janë lënë në dispozicion për votimet në veri të Kosovës.
Zgjedhjet e së dielës do t’i monitorojnë mbi 32 mijë vëzhgues, prej tyre, mbi 26 mijë u përkasin partive politike, 493 organizatave ndërkombëtare, 351 ambasadave si dhe mbi 5 mijë vëzhgues nga organizatat joqeveritare.
Ndryshe, të shtunën Bashkimi Evropian kërkoi nga partitë politike në Kosovë që të sigurojë një proces të lirë dhe korrekt zgjedhor.
Kryetarja e misionit vëzhgues të Parlamentit Evropian, Doris Pack përmes një deklarate për media ka kërkuar nga të gjitha partitë politike që të sigurojnë një proces të lirë dhe korrekt zgjedhor, në të cilin secila votë numërohet.
|
|
