Dëshironi të përmirësoni pamjen tuaj me receta të moçme? Asgjë më lehtë! Çdo gjë që nevojitet mund ta gjeni në kuzhinë. Provoni. Nëse kjo ju mërzitet, prapë do t’i gjeni prodhimet klasike kozmetike.
Si të kem thonj më të qëndrueshëm?
Thonjtë ju çahen lehtë? Ju shtresohen, janë të dobët dhe nuk dini ç’të bëni me ta? Nëse dëshironi që të forcohen, të bëhen më të shndritshëm, futni në vaj ulliri. Mjafton që këtë trajtim ta bëni pesë minuta, një herë në javë, në mënyrë që thonjtë të bëhen më të qëndrueshëm.
Nëse keni lëkurë të vrazhdë
Ditët e kaluara në det lënë kujtime, ndërsa ngjyra e bronztë fillon të zbehet dhe të lërë në trup njolla të shëmtuara. Që përsëri të kemi lëkurë të lëmuar, receta quhet piling. Pilingu më ekonomik është me kripë të trashë. Mjafton të laget fytyra dhe të fërkohet fort me kripë dhe pastaj të bëhet një dush me ujë të vakët.
Stop pikave të zeza
Për hapjen e poreve të lëkurës së fytyrës dhe për heqjen e papastërtisë, është i nevojshëm inhalimi me avull uji. Ja se si: Vihet uji për të vluar, hiqet nga zjarri dhe vihet fytyra mbi avull. Pas pesë minutash, poret do të hapen dhe do të pastrohen, ndërsa lëkura do të bëhet e lëmuar dhe e butë.
Buzët e çara
Nëse keni buzë të thata dhe përplot qeliza të vdekura, bëni një piling të lehtë me një brushë të butë dhëmbësh (ideale është brusha e vjetër, të cilën keni dashur ta hidhni). Pastaj u bëhet një masazh buzëve me pak mjaltë: do të bëhen të ëmbla dhe të lagështa.
Sytë e skuqur-kurrë më
Pas natës pa gjumë, pas shumë orëve të kaluara mbi libër, shumë lehtë mund të skuqen sytë. Që përsëri të keni shikim vezullues, mjafton një qese pambuku me kamomil. Asgjë më lehtë: dy qese kamomili ulen në ujë të valë dhe më pastaj (pasi të ftohen pak) vihen mbi sy. Mbahen kështu për pesë minuta.
Maskë me patate për rrathët e zinj të syve
Pastroni një patate dhe prijeni në feta shumë të holla. Shtrojini fetat në sy dhe lërini rreth 10 minuta. Më pas hiqini dhe shpëlani fytyrën.
Për flokë plot shkëlqim
Nëse dëshironi t’i ngjallni flokët tuaj dhe t’ua dhuroni shkëlqimin e natyrshëm, qitni nëpër blenj disa pika lëng limoni. Mirëpo, pas këtij trajtimi, limoni mund të shkaktojë edhe tharjen e tepërt të flokëve.
