Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Thaçi e Pacolli bisedojnë për koalicion Sun Dec 19, 2010 5:32 am | |
|  Kryeministri në largim i Republikës së Kosovës, Hashim Thaçi, njëherësh kryetar i Partisë Demokratike të Kosovës dhe kryetari i Partisë Aleanca Kosova e Re, Behgjet Pacolli janë takuar të shtunën për të diskutuar lidhur me formimin e koalicionit të ri qeveritar.
Në njoftimin e PDK-së thuhet se të dy liderët e partive politike respektive kanë shprehur vullnet politik që të punojnë së bashku për formimin e qeverisë së ardhshme të Republikës së Kosovës, menjëherë pas certifikimit të rezultateve përfundimtare të zgjedhjeve nga KQZ-ja.
Për më tepër, të dy liderët u zotuan se do të punojnë së bashku për të krijuar një qeveri efektive, transparente, demokratike dhe multietnike, për t’i siguruar Kosovës të ardhmen saj euroatlantike.
Ndryshe, takimi ndërmjet Thaçit dhe Pacollit është konfirmuar edhe nga Aleanca Kosova e Re.
Në njoftimin e AKR-së thuhet se kryeministri në largim Hashim Thaçi, njëherësh kryetar i PDK-së dhe kryetari i partisë Aleanca Kosova e Re, Behgjet Pacolli janë takuar të shtunën në një vend publik, në qendër të Prishtinës dhe me këtë rast kanë diskutuar edhe për proceset nëpër të cilat po kalon Kosova .
“Të dy liderët e partive politike respektive kanë shprehur vullnet politik që të punojnë së bashku për konstituimin sa më të shpejtë të institucioneve që dalin nga zgjedhjet e në këtë kuadër edhe për formimin e qeverisë së ardhshme të Republikës së Kosovës, menjëherë pas certifikimit të rezultateve përfundimtare të zgjedhjeve nga KQZ-ja”, thuhet në njoftim
|
|
