“Heqja e rrudhave” është bërë aq e popullarizuar tek prodhuesit e automjeteve sa që për këtë hap edhe në disa herë brenda ciklit prodhues të një modeli. Për fat të mirë, kur prodhuesit gjermanë janë në pyetje, ndryshimet në rastet më të shpeshta nuk janë vetëm të natyrës kozmetike.

Për modelin e vitit të ardhshëm në Mercedes kanë vendosur të ridizajnojnë klasën C. Limuzina gjermane e klasës së mesme është bërë me pamje të re të pjesës së përparme me komplet dritash të ridizajnuara dhe llamba LED që t’i afrohet pamjes së vëllezërve të tij më të mëdhenj.Me qëllim të zvogëlimit të peshës, të gjitha modelet janë bërë me kapak alumini të motorëve, e për shpenzim më të vogël do të përkujdeset teknologjia start-stop e cila gjithashtu është standarde në të gjitha modelet. Marshit prej shtatë shpejtësish i janë ndryshuar përmasat e transmetimit, e krejt kjo ka rezultuar me zvogëlimit të shpenzimeve prej 30 për qind.odeli më ekonomik do të jetë ai me naftë C220 CDI i cili në cikël të kombinuar shpenzon 4.8 litra karburant në njëqind kilometra të kaluara, e risi nën kofanon e klasës C është motori prej 300 kuaj fuqi V6 me benzinë i cili për të njëjtën udhë ka nevojë për 6.8 litra karburant.

Fillimi i shitjes së klasës së ridizajnuar C është paralajmëruar për prillin e vitit të ardhshëm.