Forcat ajrore të Zelandës së Re kanë publikuar disa të dhëna sipas së cilave bëhet fjalë për objekte të paidentifikuara fluturuese (UFO). Sipas këtyre informacioneve, një prej fakteve daton në vitin 1978 në bregun Kaikoura. Pamjet janë filmuar nga kamera e TVNZ.

Në video material shfaqet një trup sferik që rrezaton dhe fluturon në qiell dhe në qendër të tij ka një njollë të errët. Kameramani i cili ka filmuar fenomenin, e ka përshkruar lëvizjen e objektit gjatë një interviste dhënë në 1978, duke thënë se objekti kishte qëndruar për pak kohë pezull dhe më pas ka fluturuar më shpejtësi duke u zhdukur.

Autoritetet e Zelandës së Re thanë asokohe se mund të ishte një ndriçim i pazakontë i Venerës, apo se mund të ishte shkaktuar nga transmetimet e radiove apo valëve të frekuencave të ndryshme.

Materialet me të dhëna për UFO-t, janë publikuar falë ligjit për liri të informimit. Suzanne Hansen është një nga studiueset e UFO-ve, dhe tregon se prej kohësh ajo kishte kërkuar të dhëna për këto ngjarje në mënyrë që njerëzit të shohin më thellë, dhe se duhet të kuptohet më shumë. Në materiale të tjera, ka të dhëna për sfera fluturuese apo jashtëtokësorë gjatë periudhës 1954 - 2009