Prishtinë, 29 nëntor - Prezantuesja e njohur e programit televiziv "Njerëz të humbur" në TV Klan, ka kërkuar ndarjen nga bashkëshorti i saj Albano Ahmeti. Një javë më parë në gjykatën e kryeqytetit, Shtino, nëpërmjet avokatit, ka dërguar kërkesën për t'u divorcuar. Çështja është futur në regjistrat e kësaj gjykatë, ku më pas është realizuar edhe procedura e hedhjes në short për të përcaktuar gjyqtarin, i cili do të gjykojë kërkesën e saj.
Burime nga organi gjykues bëjnë të ditur se objekti i padisë së ngritur nga Shtino është: "Zgjidhje martese pa përcaktuar fajësinë. Ushtrimi i përgjegjësisë prindërore për fëmijën Brendon Ahmeti. Caktimi i mënyrës së takimit të tij me palën e paditur, si dhe caktimi i detyrimit si kontribut për ushqim".
Pas hedhjes në short të kësaj kërkesë padie, është vendosur se gjykatësja që do të gjykojë çështjen është Rrezarta Balliu (Vigani). Ndërsa data e parë e seancës gjyqësore është caktuar 15 dhjetori. Nuk dihet ende qartë se përse Aida ka bërë kërkesë për e divorc, por mësohet se kohët e fundit marrëdhënia e saj me bashkëshortin nuk ka shkuar më si duhej. Në fakt, sipas burimeve, kontradiktat kanë filluar që para dy vjetësh.