Kryeministri i Republikës së Kosovës, Hashim Thaçi, javën e ardhshme do të qëndrojë për një vizitë zyrtare në Shtetet e Bashkuara të Amerikës, me ç’rast në Shtëpinë e Bardhë do të zhvillojë një takim me zëvendëspresidentin e SHBA-ve, Joseph Biden....

Në kuadër të vizitës zyrtare në SHBA, kryeministri Thaçi do të ketë takime në Departamentin e Shtetit dhe në Kongresin e SHBA-ve, ndërsa do të pritet në takime të nivelit të lartë edhe nga udhëheqësit e Bankës Botërore dhe Fondit Monetar Ndërkombëtar.

Po ashtu, në Institutin e Paqes të Shteteve të Bashkuara të Amerikës, kryeministri do të mbajë ligjëratë me temën “Ndërtimi i së Ardhmes Euro-Atlantike të Kosovës: Sfidat dhe Mundësitë Para Nesh”.