I është vënë zjarri automjetit të markës ‘Peogueot’ pronë e Budriq Ilija nga Shtërpca, i cili jeton në veri të Mitrovicës. Ngjarja ka ndodhur gjatë natës së kaluar në rrugën “Vllade Qetkoviq”, afër Krashit në veri të Mitrovicës, ndërkohë që nuk ka të lënduar në njerëz.

Burimet e Kosovapressit bëjnë të ditur se Budriq është punëtor i PTK-së, ndërsa qëllimi i këtij sulmi është frikësimi i qytetarëve serbë të cilët punojnë nëpër institucione të ndryshme të Kosovës.

Sipas të njëjtave burime, janë dëmtuar edhe dy automjete tjera që kanë qenë në afërsi.

Autorët e këtij akti për momentin nuk dihen, ndërkohë që policia është duke i zhvilluar hetimet./A.Damati/