Beograd, 23 tetor – Gjykimi i 17 ish-pjesëtarëve të “Grupit të Gjilanit” të UÇK-së për krim të luftës kundër popullatës civile në Gjilan në vititn 1999, do të vazhdojë të hënën, më 25 tetor në Degën për krime të luftës të Gjykatës së lartë të Beogradit, njofton e përditshmja Blic.
Aktakuza e Prokurorisë për krime të luftës nga 11 gushti i vitit 2009, ngarkon Nazif Hasanin, Ahmet Hasanin, Faton Hajdarin, Samet Hajdarin, Ferat Hajdarin, Kamber Sahitin, Selmon Sadikun, Agush Memishin dhe Burim Fazliun se “si pjesëtarë të UÇK-së, nga fillimi i muajit qershor e deri në fund të dhjetorit të vitit 1999 kanë torturuar deri në vdekje të paktën 80 persona”.
Sipas aktakuzës, të paktën 34 persona edhe sot janë të pagjetur, kurse të paktën edhe 153 persona janë arrestuar pa drejtësi, janë torturuar dhe pastaj janë liruar.
Procedura kundër të akuzuarve tjerë është e ndarë, pasi ata gjykohen në mungesë.