Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Politika zvarrit luftën kundër korrupsionit Fri Nov 26, 2010 7:50 am | |
|  Përfaqësuesit e organizatave joqeveritare, që merren me luftën kundër korrupsionit, vlerësojnë se ndikimi i politikës në sistemin e drejtësisë, bën që të mos ketë rezultate të dukshme në luftimin e këtij fenomeni, që është pengesë kryesore për zhvillimin e brendshëm të Kosovës dhe përparimit të saj drejt integrimit në Bashkimin Evropian.
Sikur politika të mos ndërhynte në sistemin e drejtësisë, shumë raste korruptive do të zgjidheshin, shpreh bindjen e tij, Avni Zogiani, drejtues i Organizatës për Demokraci, Anti-Korrupsion dhe Dinjitet “Çohu”.
“Deri sot kemi pasur një ndërhyrje flagrante të krerëve të institucioneve në punën e gjyqësorit. Kjo është parë sidomos në rastet, ku në fokus të hetimeve ishin ministra, nivele të larta të qeverisjes. Ndërhyrjet kanë ardhur prej dy taborëve - prej politikanëve vendorë dhe atyre ndërkombëtarë. Në këto kushte është shumë vështirë të veprojë gjyqësori”, ka thënë Zogiani për Radion Evropa e Lirë.
Ramadan Ilazi, nga Organizata “FOL”, apelon te sistemi i drejtësisë që të kryejë punën e vet ashtu si duhet, përkundër gjendjes së krijuar politike. “Ka mungesë të vullnetit politik. Përshtypja ime është se edhe gjyqësori bën kalkulime politike në vendimet e veta… Pavarësisht se jemi futur në një situatë të vështirë si vend, gjyqësori duhet të demonstrojë pjekuri”, ka deklaruar Ilazi.
Ndërsa prokurorët vendorë dhe ata të EULEX-it kanë deklaruar se duhet kohë për rezultatet e hetimeve të rasteve korruptive, përfaqësues të Agjencisë Kosovare Kundër Korrupsionit theksojnë nevojën e reformimit të duhur të sistemit të drejtësisë. “Mungojnë reformat në sistemin politik dhe në sistemin gjyqësor – (përndryshe) ato do të ishin përgjigjja”, ka thënë Burim Sadiku nga kjo agjenci.
Nevoja për rezultate konkrete në luftën kundër korrupsionit dhe krimit të organizuar në Kosovë, jo rrallëherë është theksuar në raporte të ndryshme ndërkombëtare.
|
|
