Pasurohet buxheti nga gjobat ndaj partive

Titulli: Pasurohet buxheti nga gjobat ndaj partive Mon Dec 27, 2010 9:33 pm

Paneli Zgjedhor për Ankesa dhe Parashtresa ka dënuar nëntë parti garuese me 345 mijë e 700 euro, para këto që do të derdhen në buxhetin e shtetit. Dënimet e PZAP-it vijnë pas ankesave të partive ndërmjet vete për mbulim të posterëve dhe shkeljeve të tjera zgjedhore.

Partia Demokratike e Kosovës, e cila ka dalë e para me vota më 12 dhjetor, po ashtu është më e dënuara nga PZAP-i. PDK-ja është gjobitur me 135 mijë e 600 euro, mjete këto që duhet të paguhen më së largu pesëmbëdhjetë ditë pas marrjes së vendimit, ndërkaq LDK-ja është dënuar me 83 mijë e 450 euro, njoftojnë mediat.

Partia Aleanca për Ardhmërinë e Kosovës është dënuar me 65 mijë e 550 euro, pasi janë miratuar ankesat e partive tjera që kanë të bëjnë kryesisht me mbulimin e posterëve dhe vërejtje tjera të paraqitura nga partitë rivale.

Partia e Behgjet Pacollit, e cila në zgjedhje u rendit e pesta, në ranglistën e PZAP-së është radhitur e katërta për shkelje ligjore gjatë fushatës. Kjo parti do të paguajë gjoba përgjysmë më pak se AAK-ja, duke pasuruar buxhetin e Kosovës me 38 mijë e 550 euro.

Edhe parti tjera në vend për shkelje zgjedhore janë dënuar, mirëpo me shuma më të vogla në krahasim me partitë e sipërpërmendura.

» Votojnë liderët e partive politike
» Eto’o: Nuk kam inat ndaj Guardiolës
» Pa viktima në sulmin ndaj zyrës së KB-ve
» Terry: Referim i keq ndaj Interit
» Leonardo: Do të rikthehemi ndaj Chievos

Pasurohet buxheti nga gjobat ndaj partive

Pasurohet buxheti nga gjobat ndaj partive

Similar topics

Similar topics