Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Ilir Meta e viziton Gjakovën Tue Dec 28, 2010 11:58 pm | |
|  Zëvendëskryeministri i Shqipërisë, Ilir Meta do ta vizitojë të martën Komunën e Gjakovës dhe me këtë rast, në Kuvendin Komunal do të takohet me kryetarin Pal Lekaj.
Zyra për informim e Kuvendit Komunal të Gjakovës, ka bërë të ditur lajmin, por duke mos dhënë ndonjë hollësi për qëllimin e kësaj vizite.
Bazuar në faktin se Meta është në krye të Komitetit për menaxhimin e situatës emergjente të shkaktuar nga përmbytjet në zonën e Shkodrës, ndërsa Komuna e Gjakovës është treguar e gatshme dhe ka qenë ndër të parat që ka ofruar ndihma në përballimin e një situate emergjente, mendohet se temë e bisedës pikërisht do të jetë situata më e re në këtë zonë të përfshirë nga vërshimet.
Ditë më parë, gjatë takimit me presidentin e Shoqatës së Agrobiznesit të Shqipërisë, Enver Ferizaj, kryetari i Komunës së Gjakovës, Pal Lekaj i kishte bërë ftesë Metës që ta vizitojë Gjakovën.
Mësohet se në delegacionin nga Shqipëria pritet të jetë edhe ministri i Bujqësisë i Shqipërisë, Genc Ruli, i cili disa herë ka apeluar për ndihma fermerëve shkodranë që janë gjendur në pozitë të vështirë për mungesë ushqimi për bagëtinë. |
|
