Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Partitë dhunuan vullnetin e qytetarëve Thu Dec 30, 2010 1:25 am | |
|  Ushtruesi i detyrës së presidentit, Jakup Krasniqi ka thënë se “gardianët e votës” kanë vjedhur ato sipas fuqisë politike që kanë pasur dhe kështu është dëmtuar një proces të cilin “është dashur të ruhet siç e ruan nëna fëmijën”.
“Më 12 dhjetor përfaqësuesit e partive politike dhunuan vullnetin e qytetarëve të Kosovës. E vërteta është që vetëm një segment ka dal ashtu siç e kam dëshiruar përgjigjja e qytetarëve të Kosovës për të kryer të drejtën e tyre”, ka thënë Krasniqi në një intervistë për Radio Dukagjini.
Sipas tij, procesi zgjedhor ishte një provim për të treguar nivelin e demokracisë, nivelin e përgjegjësisë së institucioneve të shtetit, por kjo nuk ka ndodhur në ditën e zgjedhjeve.
“Gabimi është gabim, vjedhja është vjedhje dhe ai që vjedh pak ai vjedh edhe shumë, prandaj tashmë nuk është koha që duhet të ndalur se kush vodhi më shumë e kush më pak”, ka thënë Krasniqi.
Sekretar i përgjithshëm i PDK-së ka thënë se e keqja është se të gjithë ata që kishin për obligim për ta mbrojtur votën e qytetarit - ata vodhën dhe vjedhja është bërë sipas fuqisë së tyre politike.
“Unë jam i bindur se PDK-ja nuk ka pasur se çka të jetë e shqetësuar për votat që do t’i fitonte nga zgjedhësit e saj, e në mënyrë të veçanta në dy komunat e Drenicës, në Lipjan dhe Malishevë, prandaj këtë e konsideroj të paarsyeshme, ashtu siç e konsideroj të paarsyeshme atë se çfarë ka bërë AAK-ja në Deçan, sepse unë mendoj se në Deçan askush nuk do t’ia kishte kontestuar asaj fitoren”.
Presidenti në detyrë ende nuk e di nëse do të jetë kandidat edhe për një mandate për kryetar Kuvendi nga partia e tij. Ndërsa duke folur për krijimin e institucioneve pas këtyre zgjedhjeve, Krasniqi ka thënë se është ithtar i krijimit të një qeveri të qëndrueshme dhe se jo të gjitha partitë mund të qesin kushte për partneritet qeverisës.
“Unë nuk do të përmendi emra për formimin e koalicionit, por personalisht jam që të jetë një koalicion sa më i qëndrueshëm dhe mendoj që, përveç LDK-së që mund të kushtëzojë koalicionin me pozitën e presidentit, partitë tjerë nuk kanë numrin që të kushtëzonin”.
Krasniqi mendon që fundi i janarit do të jetë koha kur do të konstituohet Kuvendi dhe pastaj edhe qeveria e re |
|
