Këngëtarja e njohur Eneda Tarifa sapo ka nënshkruar një kontratë për të prezantuar spektaklin popullor dhe të vetëm të humorit në Shqipëri“Portokalli”.
Ajo bëhet pjesë e kësaj përvoje të re, sepse është e gatshme të provojë në art.

''Propozimi për të prezantuar “Portokallinë” mendoj se vjen në kohën e duhur, kur përvoja e fi tuar dhe pjekuria artistike mendoj se mund të më favorizojnë. E shikoj si një mundësi për rritje të mëtejshme profesionale'', ka thene Eneda per gazeten ''Shqip''.

Eneda Tarifën jemi mësuar ta njohim si këngëtare, ndersa suksesi i saj më i fundit ishte çmimi i parë i “Top Fest 7”. Tashmë do të njohim edhe një anë tjetër të karakterit të saj artistik, ate te prezantueses.

Është një përvojë e re, për të cilën Eneda shprehet e entuziazmuar.
“Ishte propozimi i regjisorit Altin Basha për të qenë prezantuese e ‘Portokallisë’. Kjo më bëri të ndihesha e privilegjuar, sepse ai ka vite që e drejton këtë spektakël dhe synon veçse rritje profesionale dhe cilësore”, shprehet ajo.

Eneda e njeh mirë skenën, ndihet e lirshme dhe spontane dhe ka besim se do të japë më të mirën.Do të përshëndesë e para sezonin e ri të “Portokallisë”. Në krah të saj mund të jetë aktori Salsano Rrapi, por gjithçka mbetet për t’u parë.