Edhe këtë vit pas vizitës në vendet e shenjta, Mekë e Medinë dhe pas kryerjes së kushtit të pestë të parashikuar sipas parimit islam, Haxhilerët përfunduan udhëtimin e tyre. 30 haxhilerët e parë nga Maqedonia u kthyen në vendlindje. “Nëse mundohemi të përshkruajmë përjetimet që kemi pasur në Mekë dhe Medinë do të jetë njëjtë sikur një të verbëri të ja përshkruash se çka është drita do të thotë të gjitha fjalët që ekzistojnë në vokabularin e gjuhës shqipe nuk do të kenë mundësi të përshkruajnë të gjitha ato përjetime”,  deklaroi Qufli Osmani, haxhi. “Tërë kohën në mendje kishim obligimet tona se si duhet sa më mirë t’i kryejmë ato dhe kishim parasysh se po ndjekim hapat e profetit Muhamed”, u shpreh Mersiha Smailoviq. Këtë vit sipas të dhënave jo zyrtare, në vendet e shenjta, në Mekë dhe Medina, Haxhin e kanë kryer mbi 3 milion besimtarë nga e gjithë bota. Në mesin e këtij numri rekord të haxhilerëve në mënyrë të organizuar nga Maqedonia Haxhin e kryen 2000 haxhilerë.