Michael Bolton, artisti i bardhë me zërin e një këngëtari me ngjyrë që ka shitur 53 milionë disqe në mbarë botën, ka nisur një rrugëtim të ri.Pas bashkëpunimeve me emra të mëdhenj si, Luciano Pavarotti, Placido Domingo, Jose Carreras, Ray Charles dhe BB King, tashmë Bolton sheh përtej klasikës, duke dashur të qëndrojë gjithmonëë i ri. Këngëtari me origjine ruso-hebraike do duetojë me Lady Gagan në këngën “Murder My Heart”, pjesë e albumit të 18-të të tij, One “World One Love”.
“Një vit më parë mora një telefonatë nga Lady Gaga për të cilën nuk kisha dëgjuar të flitej asnjëherëë. I thash se nëse do bënim diçka bashkë do ishte diçka që mund të shtrinte publikun tonë. Më thanë se ishte një fanse imja dhe sapo dëgjova këngët e saj edhe unë u bëra një fans i saj”, shprehet Bolton.
Më tej, ai rrëfen se Lady Gaga është Madonna e re pasi ka një energji dhe talent të madh. “Punon derisa arrin rezultatin që do. Nëse ke talent duhet ta shfrytëzosh, të punosh. E përfunduam këngën në Londër dhe gjatë drekës, e ëma e saj më tha se ishte e shqetësuar për të ardhmen e vajzës. I thash se nuk duhet të shqetësohet për asgjë. Lady Gaga ka gjithçka që i duhet një artisti për të bërë hapa gjigantë në botën e muzikës”, shton Michael.