Për nder të 20-vjetorit të formimit të grupit muzikor “Marigona”, djemtë e këtij grupi kanë vendosur që me datën 11 prill të mbajnë një koncert muzikor, në kuadër të të cilit do të interpretojnë magjishëm këngët e pavdekshme të tyre.

Koncerti është paraparë të mbahet në sallën e kuqe në Pallatin e Rinisë, ndërsa nderin për pjesëmarrje në këtë koncert do ta kenë të gjithë ata njerëz të cilët do të ftohen direkt nga anëtarët e grupit, ben te ditur ''Infopress''. Për të mos u mbetur borxh fansave të tyre, koncertin e 11 prillit do ta xhirojë njëri nga televizionet e Kosoves, e që do të transmetohet më pas për të gjithë.

Nga pamundësia për të krijuar diçka të re, deri më 11 prill, anëtarët e grupit do prezantohen vetëm me këngët e vjetra, të cilat gjithmonë do të mbesin të reja për nga përmbajtja dhe vlera që ato kanë.

Puna rreth krijimeve të reja do vazhdojë menjëherë pas koncertit, ku pritet që djemtë e “Marigonës” të pasojnë shumë këngë e krijime për të gjithë fansat e tyre.