Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Lengjet, te rendesishme pas vakteve Sat Apr 09, 2011 11:18 pm | |
| Shumica prej nesh konsumojnë një lëng pas çdo kafshate, duke mos menduar se ndoshta në atë mënyrë e vështirësojnë procesin e tretjes, e nganjëherë shkaktojnë edhe vjellje. Për shumicën e lëngjeve është një rregull që të konsumohen pas vakteve dhe nuk duhet të jenë të ëmbla apo të ngrohta, ngase e dëmtojnë mukozën dhe smaltin e dhëmbëve.
Shpesh ndodh që pas shujtave ndihemi të fryrë, na mundojnë gazrat e nuk mendojmë se ndoshta kjo është pasojë e konsumit jo të drejtë të pijeve gjatë ushqimit. Një mënyrë e drejtë e kombinimit të ushqimit dhe pijeve e shpejton përshtatjen e materieve ushqyese.
Qumësht apo jogurt
Jogurti dhe qumështi janë artikujt më të shpeshtë me vaktin e mëngjesit. Pasi bëhet fjalë për artikuj me vlerë të lartë nutritive, ato vetvetiu mund të paraqesin një vakt komplet. Personat e shëndetshëm pa kurrfarë pengese mund t’i konsumojnë këta artikuj gjersa e hanë ushqimin. Por, nuk sugjerohen me një vakt që përmban yndyrë, ngase e zgjasin procesin e tretjes. Po ashtu, do të ishte mirë që këta artikuj ta kenë një temperaturë relativisht të njëjtë me atë të kuzhinës, as shumë të ngrohtë, por as të ftohtë.
Lëngjet, uji, pijet e gazuara
Marrja e lëngjeve tjera gjatë vaktit, si uji apo lëngjet, e ngadalësojnë tretjen dhe nuk është aq cilësore. Uji mesatarisht konsumohet nga 20 deri gjysmë ore para ose pas konsumit të shujtës. Pijet e gazuara nuk sugjerohen për arsye të përmbajtjes së sheqerit. Shumica, pasi ta kenë konsumuar një vakt të pasur me yndyrë, ia shtojnë edhe një pije të gazuar dhe ndihen mirë, por kjo ndjenjë është shumë e përkohshme.
Alkooli
Kur janë në pyetje pijet alkoolike, konsumi i tyre i përditshëm nuk sugjerohet, sidomos për personat që kanë probleme shëndetësore. Sidomos është e rëndësishme të thuhet se gjatë stinës së verës, kur temperaturat janë shumë të larta, duhet shmangur konsumin e pijeve të ftohta alkoolike, ngase ato vetëm për pak kohë e shuajnë etjen.
Çaji
Çaji është pije, e cila më së miri do të ishte të konsumohej para vaktit, për shembull para mëngjesit apo midis vakteve.
|
|
