Hidratimi adekuat i organizmit në shtatzëni është shumë i rëndësishëm, sikurse për nënën, ashtu edhe për foshnjën në barkun e nënës.

Konsumimi i sasisë së rekomanduar të ujit gjatë shtatzënisë i siguron foshnjës materie të mjaftueshme ushqyese, ndërsa për nënat është po ashtu me rëndësi të veçantë. Parandalon infeksionet urinare, konstipacionin dhe hemorroidet.

Për këtë, konsumimi i ujit zbut neverinë e mëngjesit, problemet me tretjen dhe urthin.
A ndikon mungesa e ujit në foshnjën në bark?

Në muajt e parë dehidrimi mund të përkeqësojë neverinë e mëngjesit, kokëdhembja mund të shpie tek migrena e fortë, mund të ndjeheni të lodhura, të keni marramendje, prandaj ekziston rreziku se mund të lëndoheni ju dhe mund të lëndoni edhe foshnjën në bark, transmeton “bebaime”.

Mungesa e ujit në tremujorin e dytë dhe të tretë mund të jetë edhe më e rrezikshme dhe mund të shkaktojë kontraktime të përforcuara të cilat mund të shpijnë në lindjen e parakohshme. Po ashtu, dehidrimi mund të shkaktojë temperaturë të lartë, shkak i së cilës lajmërohen ngërçet në muskuj, marramendja, ënjtja.

Uji ndihmon foshnjën që të rritet e shëndetshme në barkun e nënës, sepse me anë të gjakut barten materiet e dobishme gjer tek fetusi, ashtu që duhet të keni kujdes që të konsumoni sasinë e rekomanduar të lëngjeve.