Përse u krijuam!
O bijtë e Ademit:
- Unë nuk u krijova juve për t’ju shumuar ngaqë kisha pak krijesa!
- Dhe as për tu kënaqur nga ju, për të më larguar mërzinë!
- Dhe as për t’ju kërkuar ndihmë, sepse jam i Vetëmjaftueshëm dhe absolut!
- Dhe nuk ju krijova as për të përfituar ndonjë dobi, dhe as për të larguar ndonjë fatkeqësi!
- Por ju krijova juve që të më adhuroni pa pushim!
- Të më lavdëroni në mëngjes dhe në mbrëmje!
- Sikur i pari prej jush dhe i fundit!
- Të vegjëlit dhe të mëdhenjtë tuaj!
- Njerëzit dhe xhinët, sikur të bashkoheshin që të gjithë duke bërë punë të mira, nuk do të shtonin në mbretërinë Time asnjë grimcë!
- Dhe sikur të bashkoheshin që të gjithë duke bërë punë të këqija, nuk do të pakësonin nga mbretëria Ime asnjë grimcë!
O robërit e pares:
- Unë nuk e krijova për ju dynjanë vetëm për të ngrënë në të rrizkun Tim dhe jo vetëm për tu veshur e punuar, por edhe për të më adhuruar.
- E keni marrë librin Tim të shenjtë dhe e keni vënë poshtë këmbëve tuaja!
- Ndërsa dynjanë e keni vënë përmbi kokat tuaja!
- I keni ngritur shtëpitë e juaja duke i dhënë përparësi dhe i keni ulur shtëpitë e Mia duke i lënë pas dore!
- Shtëpitë e juaja i gjallëruat, ndërsa shtëpitë e Mia i shkretuat!
O Robërit e dynjasë:
- Shembulli juaj është si ai i varrezave të mermerta, që pamjen e jashtme e kanë të bukur, ndërsa përbrenda janë të shëmtuara!
O bir i Ademit:
Ashtu sikurse llamba e vendosur mbi çati nuk ndriçon errësirën brenda shtëpisë, ashtu edhe fjalët e juaja nuk përputhen me punët e juaja!
O bijtë e Ademit:
- Unë nuk ju kam krijuar më kot dhe as nuk ju kam lënë juve pa kontroll dhe as nuk jam indiferent ndaj asaj që ju punoni!
- Ju nuk do ta arrini mirësinë Time veçse me durim ndaj atyre gjërave që ju i pëlqeni dhe këtë e bëni vetëm që të arrini kënaqësinë Time!
- Durimi ndaj bindjeve të Mia, është më i lehtë se dënimi i botës tjetër!
- Që të gjithë ju jeni të humbur, përveç atij që e kam udhëzuar Unë!
- Që të gjithë ju jeni të sëmurë, përveç atyre që Unë i shërova!
- Që të gjithë ju jeni të varfër, përveç atyre që Unë i furnizova me rrizk!
- Pendohuni që të ju mëshiroj!
