Përse?!
O ju të cilët besuat:
-Përse thoni atë që nuk e bëni?
-Përse ndaloni nga e keqja të tjerët dhe veten e harroni?
-Përse mblidhni aq shumë pasuri saqë nuk do të mund ta hani dhe as ta shijoni?
-Përse pendimin ditë pas dite ju po e vononi?
-Dhe vitet e jetës po ju kalojnë e po neglizhoni?
-A mos vallë nga vdekja ju erdhi garanca që të shpresoni?
-A mos ju tha zjarri i xhehenemit që në të s’do të qëndroni?
-Apo e siguruat xhenetin, dhe nuk doni të na tregoni?
-Mos t’ju mashtroj shëndeti dhe rehatia se ditët e frymëmarrjes të numëruara i keni?
-Të fshehtat e juaja së shpejti do të zbulohen.
-Kini frikë All-llahun xh.sh. o njerëz nëse keni mend dhe konsideroni?
-Ofrojini të mirat që ju janë dhuruar për vetet tuaja.
O Musa:
-Njeriu më i urtë dhe më i zgjuar është ai që ka frikë All-llahun e Madhëruar.
-Pasuria më e madhe është që të jesh i kënaqur me atë që të është dhënë nga All-llahu I Madhëruar.
-Kursimet dhe investimet më të mira janë tek devotshmëria.
-Këshilla më e keqe janë thashëthemet.
-E mos harroni se Unë jam më pranë jush me dijen Time sesa damari i qafës.
-Fjala më e keqe është gënjeshtra.
O Musa:
-Ai që është mikpritës ndaj udhëtarit, ai ka fituar kënaqësinë Time.
-Ai që ndihmon të varfërin, fatkeqin dhe qëndron pranë jetimit, e shkruaj prej të dashurve te Mi.
O bijtë e Ademit:
-Ju keni filluar duke shembur jetën tuaj qysh nga dita që keni dalë prej barkut të nënës.
-Dhe çdo ditë që kalon, varrit po i afrohesh.
-Mos u bë si drutë që djegin veten e tyre për të ngrohur dhe ndriçuar të tjerët!
-Nëse thoni fjalë të mira, dhe kryeni punë të pështira, ju jeni prej hipokritëve.
O bijtë e Ademit:
-Nuk do të hyjë në xhennetin Tim përveçse ai që ndaj Madhështisë Sime është i përulur dhe modest, dhe gjithë ditën e mbushi duke më përmendur Mua, i kontrollon epshet e veta duke i ndaluar nga harami.
