Një aplikacion i ri i “Apple” në telefonin e ri të mençur shumë shpejt ka gjetur zbatim të (pa) pritur në praktikë.

Një përdorues i iPhone, shkruan The Escapist, duke cituar forume në MacRumors, ka përdorur aplikacionin Find My Friends për të “gjahtuar” gruan me dashnorin.

Pasi që nuk ishte i sigurt nëse gruaja po i qëndronte besnike, ai vendosi ta konfirmojë. I bleu asaj iPhone 4S, në të cilin instaloi Find My Friends, pa dijeninë e saj.

Mundeni edhe vetë të paramendoni se çfarë ka ndodhur. Gruaja i tha se do të shkojë te një shoqe, por ai dyshoi se në fakt po dilte me të dashurin në një pjesë tjetër të qytetit.

Aplikacioni konfirmoi dyshimet e tij. Ai bëri një fotografi me lokacionin e gjetur të gruas së tij, të cilën planifikon që ta përdorë si dëshmi materiale, pasi që bashkëshortja e tij ende nuk e di se është zbuluar. Kur ta marrë vesh me siguri se nuk do të lejojë askënd që t’i ofrohet telefonit të saj.

Bartet tek kuriozitetet