Londër, 5 korrik - Britaniku Raymond Calvert në moshën 79-vjeçare është bërë baba i djalit Jamie Rai. Ky është fëmija i tij i shtatë. Ngjarja do të ishte e zakonshme, nëse Raymond nuk do të ishte i martuar me gruan 54 vjet më të re.

Më nënën e djalit Charlotte, Raymond është në lidhje që 5 vjet, ndërsa e ka njohur përmes nënës së saj, me të cilën ishte tre vjet në lidhje.

“Dallimi në moshë nuk është problem për mua dhe gruan time, pasi besoj se jemi krijuar për njëri tjetrin”, deklaroi Calvert për mediet britanike.

“Për herë të parë e kam njohur kur kishte 16 vjet. Vinte me mua dhe fëmijët e mi në udhëtime. I jam besnik Charlotte”, shtoi Calvert, djali më i moshuar i të cilit ka 51 vjet.

Pasi që dëshironin me çdo kusht të kishin fëmijë, kjo i është plotësuar në fund, ndërsa Calvert është shumë krenar pasi nuk i është nevojitur viagra.