Washington – Shërbimi postar i Shteteve të Bashkuara të Amerikës ka bërë një gabim të pafalshëm dhe tash përballet me një padi gjyqësore, pasi ia ka shpallur të vdekur të birin e gjallë një nëne nga Washingtoni.
I biri i Joan Naybar, i cili prej disa kohësh ishte ushtar në Irak, merrte shpesh letra nga nëna e tij, por në një letër që ajo i shkroi para disa kohësh, posta ia ktheu përgjigjen se djali i saj kishte vdekur në luftime, edhe pse ai ishte shëndoshë e mirë. Kryqi i Kuq i pohoi së ëmës së djali ishte gjallë dhe menjëherë pas kalimit të tronditjes, e ëma e hodhi në gjyq shërbimin postar.
Naybar e çoi çështjen në gjykatën e Duluth, qytezë në Minnesota, ku ajo jeton.
“Zonjes Naybar nuk i është kërkuar falje për gabimin dhe për atë që ka ndodhur nuk i është dhënë asnjë shpjegim”, thuhet në akuzën zyrtare. Gabimi ndodhi në vitin 2006, kur i biri i Naybar ndodhej prej 22 muajsh me shërbim ushtarak në Irak.