Miammi – Një tridhjetëvjeçar nga Miammi ka paraqitur në polici vjedhjen e portofolit, pasi nuk ka guxuar t’i pranojë bashkëshortes së tij se ka harxhuar të gjitha paratë që kishte, mirëpo për shkak të raportimit të rrejshëm në fund hëngri burgun. Në raportin e policisë thuhet se i akuzuari u kishte telefonuar nga një dyqan dhe u kishte thënë se përpara dyerve të shitores e kishte sulmuar një djalosh i veshur në të zeza dhe ia kishte marrë portofolin, ku i kishte njëqind dollarë, transmeton FoNet. Në xhirimet e kamerës së sigurisë shihet, megjithatë, se si ai del nga dyqani dhe ulet në veturën e tij, si dhe se disa minuta më vonë parkohet në vendin e njëjtë dhe përsëri hyn në dyqan për të telefonuar. Kur policët ia treguan xhirimin, ai pranoi se ka shpikur gjithçka në mënyrë që të mos detyrohet të arsyetohet para bashkëshortes për atë se i ka bërë “”rrush e kumbulla” të gjitha paratë në një bastore. Mirëpo, ai tash do të ketë një problem më të madh se gruan, pasi duhet të paguaj kaucionin prej 750 dollarësh, në mënyrë që të mund të mbrohet nga liria për gënjeshtrën.