Mbi 40 % të francezeve kundërshtojnë ndërtimin e Minareve dhe Xhamive

Në një anketë të zhvilluar nga gazeta franceze "Le-Figaro", u konstatua se 41% e francezëve kundërshtojnë ndërtimin e xhamive dhe minareve.

Në pyetjen e parashtruar "A përkrahni, kundërshtoni ose nuk iu intereson fare, ndërtimi i xhamisë me minare, nëse kërkohet nga komuniteti mysliman? Përgjigja ishte se: 19% e anketuarve përkrahnin një gjë të tillë, 41% e të anketuarve ishin kundër, 36% prej tyre ishin indiferent dhe vetëm 4% refuzuan të japin mendim.

Në një referendum të mbajtur në vitin 2001 në Francë në lidhje me ndërtimin e minareve, 31% e popullatës ishin "PRO", 22% e tyre "KUNDËR" 41% e popullatës ishin indiferent, dhe 1% nuk dhanë asnjë mendim.
Ndërsa në pyetjen, A përkrahni që të ndalohet ngritja e minareve? 46% u përgjigjen "PO", 40% u përgjigjen "JO" dhe 14% refuzuan të japin mendim.

Kjo anketë u zhvillua me 1 dhe 2 dhjetor 2009, pasi që u morën rezultatet nga referendumi i mbajtur në Zvicër disa ditë më parë, përmes së cilës 57.5% e popullatës ishin "PËR" ndalimit të minareve.

Marrë nga: ?BBC Arabic? - ????????
Nga gjuha Arabe: Muhamed Jashari-Shkup