Pajisja më e re e segmentit të ulët të Nokias do të shitet me çmim të përshtatshëm, e do të ofroj navigacion GPS.
Nokia 2710 Navigation Edition është pjesëtari më i ri i segmentit të ulët të celularëve të Nokias. Modeli, paksa çuditshëm për këtë rang të çmimeve, sjell navigacion GPS dhe busulle digjitale.

Gjithashtu, ky celular shitet me softuerin Nokia Maps me udhëzimet “turn-by-turn”, bartës dhe mbushës për automjet.

Dimensionet e pajisjes janë 111 x 45.7 x 13.7 milimetra, e peshon 87 gramë. Është integruar edhe ekrani 2.2-inçësh me rezolucion prej 240 x 320 pikselash, kamera 2-megapikselëshe, FM radio e Bluetooth, përderisa në paketën e tij është përfshirë edhe kartela e memories me kapacitet prej 2 GB. Kohëzgjatja e baterisë është deklaruar në 18 orë në pritje, respektivisht në katër orë e 20 minuta bisedë.

Çmimi i rekomanduar i shitjes për tregun evropian është 110 euro, e në shitje do të gjendet në tremujorin e dytë të vitit të ardhshëm.