[You must be registered and logged in to see this image.]

Erdogan kundër sanksioneve të ashpra ndaj Iranit
Kryeministri turk Rexhep Taip Erdogan ende nuk pranon të mbështesë sanksionet më të ashpra ndërkombëtare kundër Iranit, megjithë trysninë nga Shtetet e Bashkuara. Në një konferencë për shtyp në Shtëpinë e Bardhë, pas takimit me Presidentin Barack Obama, Erdogan deklaroi, se Irani duhet të bindet me mjete diplomatike të heqë dorë nga programi i tij i kontestuar bërthamor.
Turqia është e gatshme të ndërmjetësojë mes Iranit dhe Perëndimit për këtë çështje, ka shtuar Kryeministri turk. Obama deklaroi, se Turqia mund të luajë një rol të rëndësishëm në zgjidhjen e konfliktit bërthamor me Iranin. Muajt e kaluar Erdogan ishte pozicionuar krejt ndryshe SHBA-së në çështjen e Iranit. Ndërkohë që ai e kishte cilësuar "mik" Presidentin iranian Mahmud Ahmadinexhad.