Qindra milionë dollarë për një film 3-dimensional. Shuma marramendëse prej 300 milionë dollarësh është shpenzuar për filmin “Avatar” qe theu të gjitha rekordet e mëparshme.
Lajmin e bën të ditur kompania “Fox Features”. Në një intervistë dhënë për CNN, bashkëpronari i Fox Filmed Entertainment, James Gianopulos tha se ky është filmi më i veçantë i krijuar ndonjëherë dhe paratë për të janë shpenzuar në mënyrën e duhur. Deri tani, rekordin e filmit më të shtrenjtë e mbante “Piratet e Karaibeve në fund të botës” me diçka më pak se 300 milionë, ndërsa “Titanic” ndodhet më poshtë në renditje me 200 milionë.
Ky është një revolucion për botën e filmit, pasi James Cameron ka realizuar një film që sipas Gianopulos, do ngelet në kujtesën e disa dekadave. “Ai kishte vite që mendonte te realizonte këtë ide dhe po priste vetem mundësinë teknologjike për ta bere këtë”, shtoi Gianopulos per CNN. Në këtë film, ngjarjet zhvillohen në planetin Pandora ku protagonistë janë qeniet njerëzore.