Dy vjet pushim dhe Alicia Keys rikthehet në skenën muzikore me një album të ri.
Këngëtarja me ngjyrë ka shijuar suksesin e "As I Am" dhe ditën e nesërme do të hedhë në treg "The Element of Freedom" me 14 këngë, mes të cilave ndodhet edhe dueti me Beyonce "Put It In A Love Song". Në foton e kopertinës, Keys shfaqet me një fustan të stiluar nga Cavalli, ndërsa këngët e këtij albumi janë realizuar nga producentët Kerry Brothers, Jeff Bhasker, Swizz Beatz dhe shume të tjerë.
Ajo shprehet se ky album është i lirë nga të gjitha limitet që e kane kushtëzuar në të shkuarën. Por gjatë muajve të fundit, Alicia ka punuar edhe më hite të suksesshme si "Looking For Paradise" ku dueton me yllin Alejandro Sanz por edhe me Whitney Houston në "Million Dollar Bill".