3li Anëtar/e me përvoj
Numri i postimeve : 403 Data regjis. : 25/11/2009 Location : Knej Parii Dika
| Titulli: Mehmet Kosovari bllokon për dy orë qendrën e Prishtinës Sat Dec 12, 2009 5:28 am | |
|
Prishtinë– Për ndikimin që kishte pasur seriali turk “Aci Hayat”, konkretisht aktori Kenan İmirzalioğlu, i njohur si Mehmet Kosovari tek publiku ynë, u dëshmua të premten. Për më shumë se dy orë, hapësira para kinemasë ABC në Prishtinë ishte e bllokuar. Do të ishte ai vendi nëpër të cilin İmirzalioğlu, bashkë me aktorin e njohur turk Şener Şen dhe regjisorin e filmit “Kabadayı”, Ömer Vargı, duhej të parakalonin për tu larguar nga kinemaja ABC, ku fiks në ora 15 ishte mbajtur konferencë për media. Por, një gjë e tillë rezultoi e pamundshme. Ishte Mehmet Kosovari ai i cili u kishte bërë sherrin të gjithëve. Plot tre herë kishte tentuar të dalë nga kinemaja ABC, por turma e madhe e adhuruesve ia kishte pamundësuar këtë. Si pasojë e kësaj ka ndërruar e gjithë agjenda e mysafirëve turk që kishin ardhur për të hapur edicionin e dytë të “Java e Filmit Turk” në Prishtinë. Ndonëse ishte planifikuar që ata të bëjnë një shëtitje nëpër sheshin “Nëna Tereze”, në orën 16:30, për shkaqe sigurie kjo është anuluar. “Ka qenë e pamundur që mysafirët, posaçërisht aktori Kenan İmirzalioğlu të bëjnë shëtitje në sheshin “Nëna Tereze”, sepse së pari ka qenë e pamundur të dilet nga kinemaja, përderisa nuk intervenoi policia”, ka thënë drejtori i kinemasë ABC Milazim Salihu. Si rezultat i kësaj, Salihu paralajmëroi edhe një tjetër ndërrim agjende. “Duket se as sonte, në ceremoninë e hapjes nuk do të vijë aktori Kenan İmirzalioğlu. Për shkaqe sigurie”, ka thënë ai. Edhe në konferencën për media ishte pikërisht aktori i serialit “Jetë e hidhur”, ai i cili luante rolin kryesor, megjithëse përkrah tij qëndronin emra të mëdhenj të kinematografisë turke, Şener Şen dhe Ömer Vargı. I pyetur për faktin se pse emri i tij në serialin “Jetë e hidhur” ishte Mehmet Kosovari ai është përgjigjur. “Edhe para se të luaja në serialin “Jetë e hidhur”, kam luajtur në një serial të tillë dashurie, sepse jam njeri që e çmoj dashurinë, ndërkaq për emrin Mehmet Kosovari mund të them se ka ardhur duke u bazuar në këmbëngulësinë me të cilën njihen kosovarët në Turqi, e në rastin e serialit unë isha këmbëngulës në dashuri dhe e fitova këtë “mbiemër”, krahas emrit Mehmet”, tha para gazetarëve aktori Kenan İmirzalioğlu. Edhe pse popullariteti i tij në Kosovë u vërejt gjatë ditës së premte, İmirzalioğlu nuk ishte në gjendje të thoshte asnjë fjalë në gjuhën shqipe. Nuk e kishte mësuar një të tillë as sa për ti përshëndetur adhuruesit.“Mjafton fjala Kosovë”, tha para gazetarëve İmirzalioğlu.Ndërkaq, aktori kryesor i filmit “Kabadayi”, Şener Şen ndër të tjera u shpreh i lumtur që “Kabadayi” po shfaqet në Kosovë. “Jam shumë krenar që ndodhem në mesin tuaj dhe ndihem krenar që ky film do të shfaqet sonte këtu. Por, para së gjithash i kërkoj falje publikut që do të më duhet në disa skena të jem armik i ashpër i të adhuruarit të tyre, Mehmet Kosovarit”, tha Şen. Ndryshe, “Java e Filmit Turk”, në Kosovë është duke u organizuar për të dytën herë dhe ajo do të zgjasë pesë ditë.
|
|
makfire Fillestar/e
Numri i postimeve : 1 Data regjis. : 12/12/2009
| Titulli: Re: Mehmet Kosovari bllokon për dy orë qendrën e Prishtinës Sun Dec 13, 2009 9:39 am | |
| qysh nuk mujtum me pa hiq mehmet koseven qysh nuk kene organizu ju kinema ja mus muublloku ruget prej shiptarve si kur sod per ipkon 10 vjetorin qfar organizmi kishin bo edhe ju uduft me bo nji organizu edhe me dal me fol shlir ju veq nji minut qka ke puna juve ashtu uduft me retheku me hekra mus mu afru shiptret me majt ren ju tani ishkan puenne regulll |
|