[You must be registered and logged in to see this image.]

Shumë pak përparim në Kopenhagë


Teksa negociatorët në samitin për klimën në Kopenhagë hyjnë në dy ditët e fundit, nuk ka asnjë shenjë për sukses. Udhëheqësit botërorë mblidhen në kryeqytetin danez për konkluzionet e kësaj mbledhjeje dyjavore.
Dallimet vazhdojnë të jenë lidhur me atë se kush duhet të zvogëlojë emetimet, sa të mëdha duhet të jenë ato dhe sa financime duhet të jepen për vendet e varfra që ato t'i përshtaten ndryshimeve klimatike.

Kryeministri kinez, Wen Jibao, tingëlloi optimist, duke thënë se Pekini dëshironte të bashkonte forcat me komunitetin ndërkombëtar për ngrohjen globale. Por një zyrtar kinez i përfshirë në negociatat u citua të ketë thënë privatisht se nuk shikonte ndonjë mundësi për një marrëveshje operative.

Duke folur për BBC-në sekretari i përgjithshëm i OKB-së, Ban Ki-moon, tha se kishte shpresë që delegatët do t'i linin mënjanë dallimet dhe të bënin përparim të vërtetë në takim.

Shtëpia e Bardhë tha se presidenti Obama, që pritet të premten në samit, ka besim se do të sigurohet një marrëveshje për emetimet e karbonit. Zëdhënësi i Shtëpisë së Bardhë, Robert Gibbs, tha se Obama besonte se një marrëveshje operative ishte e mundshme.

Ndërsa kryeministri britanik Gordon Brown, që ndodhet në Kopenhagë tha se ishte një moment kritik për samitin. "Ka mundësi që ne të mos arrijmë një marrëveshje dhe është gjithashtu e vërtetë që ka shumë çështje për t'u zgjidhur”. /BBC/