[You must be registered and logged in to see this image.]

Meta: Berisha dhe Rama të gjejnë kompromisin

Numri dy i qeverisë shqiptare, njëkohësisht edhe kryetari i Lëvizjes Socialiste për Integrim, Ilir Meta ka kërkuar nga kryeministri Sali Berisha dhe kryetari i Partisë Socialiste, Edi Rama që të nisin dialogun.
Sipas Metës, dy liderët duhet të lënë retorikat politike dhe të bashkëpunojnë për procesin e integrimit të Shqipërisë për në Bashkimin Evropian.

“Qeveria është e hapur për të gjetur një kompromis për zgjidhjen e kësaj çështjeje. Kompromisi të bëhet për interesat e integrimit”, u shpreh Meta.

Ai shtoi se integrimi i Shqipërisë qëndron mbi politikën e ditës dhe ky proces nuk është personal. Meta ka deklaruar se është i gatshëm të takohet me Ramën për të zgjidhur situatën politike të krijuar pas zgjedhjeve të qershorit. /gazeta start/