Ekipi i biologëve amerikanë zbuluan se pse flokët ndërkohë thinjën, shkruan ‘The Uashington Times’. Përkundër mendimeve të vazhdueshme, kjo nuk ndodh shkaku i stresit, dietës, gjeneve, mungesës së gjumit, ilaçeve, faktorëve nga mjedisi jetësor apo çrregullimit të gjëndrës endokrine.
Hulumtimi të cilin e publikoi Shoqata Federale Amerikane për Biologjinë Eksperimentale (FASEB) tregoi se në moshën e plakur flokët thinjen sepse trupi prodhon hidrogjenin peroksid i cili zbardhë qimet. Hidrogjeni peroksid bllokon sintezën e melaninës që i japin flokut, syve dhe lëkurës ngjyrë. Deri tek ‘përpunimi masiv’ i hidrogjenit peroksid vjen për shkak të dëmtimit të përditshëm të folikulës së qimes, që bllokon prodhimin e melaninës, pigmentit tonë natyral.
Qelizat tona prodhojnë sasi të vogël të hidrogjenit peroksid, por me kalimin e viteve kjo sasi bëhet më e madhe. Pigmentet e qimeve zbardhen nga brenda dhe flokët ashtu thinjen.
Biologët gjithashtu sugjerojnë, se flokët e thinjura mund të rikthehen në ngjyrë të mëparshme duke i trajtuar në nivel biokimik dhe molekular. Këto i hapin dyer të reja preventivës, dhe ndoshta rikthimit të procesit të thinjës, përfunduan shkencëtarët. Me rigjenerim artificial të enzimës i cili do ta kishte iniciuar prodhimin më të fuqishëm të melaninës, eventualisht do të parandalohej procesi i thinjës.
Gjithashtu, ky studim mund të jetë i dobishëm në gjetjen e ilaçit për çrregullimin e lëkurës ‘vitiligo’ që sjell deri tek humbja e pigmentit.
Ky studim është hapi i parë drejt zgjedhjes së problemit, por ngjyra edhe për një kohë të gjatë do t’i mbulojë flokët e thinjura, vlerësoi ‘The Uashington Times’.
