starka Mikë/e i/e Forum-it
Numri i postimeve : 6260 Data regjis. : 21/11/2009 Age : 36 Location : No Active....
| Titulli: Sytë, aleatët e bukurisë Fri Jan 01, 2010 1:00 am | |
| Sezoni i vjeshtës sjell me vete risi në look-un tonë. Nuanca të veçanta për fytyrën, hije vibruese për sytë dhe tonalitete të çelura për buzët. Dhe të gjitha këto për një pamje sa më të thjeshtë dhe të bukur
Rregulla për të pasur sy tërheqës dhe të bukur
Sytë janë pjesa më e rëndësishme e fytyrës, pasi kontakti i parë mes njerëzve vendoset mes tyre. Shikimi është i aftë ta bëjë një fytyrë interesante ose jo, të fshihet pas misterit dhe të jetë tërheqëse. Zona përreth syve është edhe pjesa ndaj të cilës tregojmë më shumë kujdes.
Për të ruajtur të butë lëkurën në sy si dhe të qepallave është e domosdoshme të zhduken shenjat e kohës. Jo dhe vetëm të formave të ndryshme të rrudhave, qeskave, linjave, por edhe të të gjithë syrit, është i nevojshëm një trajtim i rregullt i tij.
Lëkura përreth syve është shumë delikate, madje, rreth 10 herë më e hollë se pjesë të tjera të fytyrës. Enët e gjakut të kësaj zone janë shumë të hollë, ndërkohë që gjatë jetës në këtë pjesë mund të mbesin edhe shenjat e kohës.
Nisur nga delikatesa e lëkurës, është e domosdoshme të tregohet kujdes i veçantë me lyerjen dhe produktet kozmetike që përdoren. Ndërkohë që, kujdes duhet treguar edhe me kremrat që përdorni. Të gjitha këto produkte, nëse nuk janë të duhurat dhe përdoren në mënyrën e gabuar sjellin gjithmonë iritim të syve dhe të lëkurës përreth tyre.
Sezoni i vjeshtës sjell me vete risi në look-un tonë dhe tendencat e make up-it. Nuanca të veçanta për fytyrën, hije vibruese për sytë dhe tonalitete të çelura për buzët. Dhe të gjitha këto për një pamje sa më të thjeshtë apo një pamje ujë e sapun. Të bësh tualet pa u dukur sikur ke bërë.
Si vetë sezoni edhe make up-i këtë periudhë ka nevojë të ndryshojë nga ngjyrat dhe tonalitetet e ndezura dhe të shkëlqyeshme që u aplikuan gjatë sezonit të mëparshëm. Sezoni i vjeshtës është periudha më e mirë për të vazhduar pasurimin e kutisë së kozmetikës.
Për t'ju përshtatur ndryshimit të sezonit, gjithmonë është i këshillueshëm trukimi 'ujë e sapun', pra sa më natyral, siç është vënë re edhe në sfilatat e fundit, ku kjo tendencë është rikthyer me prepotencë. Pra natyralë, por me një trukim të pagabueshëm dhe mbi të gjitha shumë të bukur dhe veçantë.
Gjithçka duhet të shkëlqejë. Asnjë linjë drite, pra vetëm harqe. Qepallat mund të qartësohen me një laps të errët, hijet me penel për një formë më të thellë. Ndërsa për hijet tendencë janë ngjyrat drithëruese dhe të gjalla, madje mund të përdoren edhe hije të ndriçuara si stili i viteve '70. OK janë edhe ngjyrat e thella dhe toni jargavan, i kuq, i bruztë, për të arritur efektet e opalta apo të ngjyrës së qumështit. Për këdo që preferon një shikim intrigues, këshillohet edhe një hije gri perle dhe një rimel i zi.
|
|