[You must be registered and logged in to see this image.]

Takim joformal Ivanov - Papandreu në Kopenhagë


Presidenti i Maqedonisë, Gjorge Ivanov me kërkesë të tij në margjinat e Samitit për ndryshime klimatike në Kopenhagë, pati takim të shkurtër me kryeministrin grek, Jorgos Papandreu, lajmëroi raportuesi i MIA-s.
Presidenti Ivanov e përshëndeti vendosjen e dialogut mes dy vendeve, i cili duhet të kontribuojë për rritjen e besimit, për mirëkuptim më të mirë të udhëheqjeve politike. Dy shoqëritë komunikojnë dhe bashkëpunojnë pa asnjë problem. Komunikimi i tillë pa dyshim do të rritet me liberalizimin e vizave, konstatoi presidenti Ivanov.

Përgatitjen e tij për komunikim të hapur, presidenti Ivanov e konfirmoi me disa thirrje të dërguara deri te presidenti grek, Karlos Papulas për takim i cili duhet të kontribuojë në relaksimin e marrëdhënieve të politikave të ndërsjella.

Në këtë rast, presidenti i Maqedonisë tha se problemin të cilin e ka Republika e Greqisë me emrin tonë është pasojë e disa kohërave të vjetra dhe paragjykimeve të vjetra. Ivanov ka shprehur bindjen se në frymën e unitetit evropian, stabilitetit rajonal dhe prosperitetit, Greqia do ta tejkalojë pozicionin e bllokimit i cili u tregua se nuk jep rezultate. /MIA/