starka
Mikë/e i/e Forum-it
Numri i postimeve : 6260
Data regjis. : 21/11/2009
Age : 36
Location : No Active....
 |  Titulli: Labinot Tahiri ndihmon banorët e Shkodrës me 10 mijë euro Fri Jan 22, 2010 10:59 pm | |
|  Këngëtari Labinot Tahiri ka marrë iniciativën për t’u ndihmuar banorëve të Shkodrës me 10 mijë euro. Ai në mënyrë vullnetare mbajti katër koncerte për katër net me radhë në tri qytete të Kosovës, ku ato të hyra që do të mblidhen në koncert do të shkojnë për familjet e përmbytura nga ujërat në Shkodër. “Duke parë dëmet që janë shkaktuar nga uji në Shkodër dhe rrethinë, kam shprehur dëshirën që t’u ndihmoj familjeve të përmbytura. Jam duke i mbajtur katër mbrëmje muzikore, dy prej tyre i kam mbajtur, tani i kam edhe dy, bileta hyrëse në koncert kushton 3 euro. Të gjitha të hollat e mbledhura do t’i dërgoj në Shkodër, por në qoftë se nuk mblidhen 10 mijë euro atëherë do t’i shtoj nga xhepi im. Koncertet do të mbahen në mbrëmje në Gjakovë, Ferizaj, Obiliq etj. Kam menduar që me këto koncerte humanitare t’u dal në ndihmë familjeve shkodrane”, shprehet ai për “Kosova Sot”. Nuk është hera e parë që Labi merr një iniciativë humanitare, edhe më parë ai ka ndihmuar familjet skamnore në Kosovë, ndonëse ende vazhdon t’u ndihmoj. Pra, Labi është njëri ndër këngëtarët e rrallë që ndihmon familjet skamnore, ngase edhe vetë e ka provuar një jetë të tillë para shumë vjetëve, andaj ia beson atij që nuk ka. “E di çfarë është të mos kesh, ngase e kam provuar edhe vetë, kështu që meqë tani kam kushte, mundohem t’u ndihmoj atyre që kanë nevojë”, përfundon Labi. K. Bajrami |
|
