Sandra Bullock, fituesja e çmimit Oscar si aktorja më e mirë, u çfaq në qilimin e kuq e veshur me një fustan me ngjyrë metalike të frymëzuar nga statuja e Oscar-it. Veshja e artistes së filmit "Blind Side" ishte stiluar nga Marchesa

Zoe Saldana, që luan në rolin e Neytiri-t në filmin Avatar të James Cameron, kishte veshur një fustan të firmës Givenchy me një bluzë ngjyrë rozë të hapur dhe një fund ngjyrë jargavani.

Maggie Gyllenhaal eci në qilimin e kuq e veshur me një fustan me ngjyra të ndezura . Ajo thotë se veshja e saj me ngjyrë blu, të zezë dhe të bardhë nga stilisti Dries van Noten ishte "seksi dhe e pazakontë".

Stilisti i modës, tashmë regjizor i filmave, Tom Ford, (në të djathtë) në qilimin e kuq dukej elegant i veshur me një kostum që e kishte stiluar vetë, ndryshe nga veshja me stil të pazakontë e Robert Downy

Ylli i filmit "Sex and the City", Sarah Jessica Parker, e cila prezantoi çmimin për skenografinë më të mirë, kishte veshur një fustan me ngjyrë të verdhë të firmës Chanel haute couture.

E kandiduar për artisten më të mirë, Meryl Streep, e shoqëronte veshjen e saj të bardhë me bizhuteritë nga Fred Leighton dhe me një çantë të firmës Swarovski.

Charlize Theron kishte veshur një fustan shumë elegant ngjyrë lejla të stilistit të Dior-it, John Galliano.

Nick Park, krijuesi i filmit vizatimor "Wallace and Gromit", kishte veshur për ceremoninë një papion të gjelbër, ndryshe nga britaniku Colin Firth që kishte vënë një papion klasik.

Aktorja Carey Mulligan në filmin "An Education" tha se ajo mendonte se veshja e pazakontë e saj Prada, mbushur me pirunë të vegjël, thika dhe gërshërë, ishte "shumë interesante".

Jennifer Lopez kishte veshur një fustan ngjyrë rozë të hapur, të stilistit Armani Prive.

Ylli i kinematografisë të filmit "Nine", Penelope Cruz, e cila prezentoi çmimin për aktorin më të mirë në rol dytësor, kishte veshur një fustan ngjyrë vishnje nga Donna Karan Couture.

Vera Farmiga, e kandiduar për aktoren më të mirë në rol dytësor, tha se se veshja e saj dekolte ngjyrë çiklamin e stiluar nga Marchesa, i kujtonte asaj një "lule në lulëzim".

ky stil me pelqen