Berlin, 18 korrik – Një polic gjerman ka marrë një javë shtesë të pushimit vjetor për shkak të kohës që i nevojitet për çdo mëngjes për t’u veshur për punë, shkruan “Telegraph”.

Polici gjerman, Martin Schauder, argumentoi se çdo mëngjes i nevojiten 15 minuta jashtë orarit të punës për t’u veshur, si dhe 15 minuta në fund të ndërrimit për të hequr uniformën. Gjykata në Miunster, në veriperëndim të Gjermanisë, është pajtuar se bëhet fjalë për punë jashtë orarit.

Schauder për disa muaj ka diskutuar me eprorët e tij, duke kërkuar t’i paguajnë më shumë ose t’i japin kohë shtesë të lirë për të kompensuar 45 orë, sa kalon çdo vit për veshje.

Eprorët e tij i refuzuan të gjitha kërkesat, duke theksuar se kjo është pjesë e detyrës së tij si dhe policëve të tjerë. Prandaj, Schauder iu drejtuar gjykatës dhe fitoi rastin.

Ky vendim ka rritur frikën se gjykatat gjermane mund të përballen me padi të ngjashme.