Është vetëm 13 vjeç, duket si 8, dhe është bërë baba. Alfie Patten nga Britania e Madhe është bërë baba, pasi që e dashura e tij, Chantelle Steadman, ka lindur vajzën e tij, që e ka pagëzuar, Maisie Roxanne. Ai ka thënë se nuk dëshironte që e dashura e tij të abortonte, pasi e kishte kuptuar shtatzënësinë. "Mendova se do të ishte mirë të kemi një bebe. NUk e kam menduar se si do ta përballojmë. Nuk më japin para xhepi. Babai ndonjëherë me jep 10 pound", ka thënë Alfie. Lajmi i raportuar fillimisht nga "The Sun", ka zgjuar debat të ashpër në skenën politike. Lideri i konservatorëve, David Cameron, ka thënë se është shqetësuese që sot në Britani fëmijtë lindin fëmijë. Babai i Alfiet thotë se djali i tij duket të jetë i dedikuar, edhe pse kaq i vogël: "Ai tash do të mund të ishte duke luajtur Playstation. Por, në vend të kësaj ka qenë në spital çdo ditë", ka thënë ai. Megjithatë, dikush tjetër mban record. Babai më i ri në Britani ishte Sean Stewart, i cili u bë baba kur kishte 12 vjet, pas marrëdhënies me fqinjen 15 vjeçare Emma Webster. Ata u ndanë pas 6 muajsh.