Këngëtari argjentinas, Pablo Ruiz, ka shokuar fansat e tij duke pranuar se kishte puthur disa herë Ricky Martinin, kur ishte adoleshent.
Ishte vetë Ricky Martin që ditë më parë mbylli spekulimet duke pranuar se është krenar që është homoseksual. Këto pohime e kanë bërë Ruizin të pranojë në një emision televiziv seksualitetin e tij dhe romancat me Ricky Martinin.

“Unë do të shkaktoj kundërthënie të mëdha: Unë e putha Ricky Martinin disa herë…kur isha një 17- vjeçar dhe kur ende nuk kisha marrëdhënie seksuale me një mashkull. Ai (Martin) ishte 22 ose 23- vjeçar”.

“Ishte në Meksikë, unë isha në turne dhe jetoja atje, ai ishte në një emision televiziv. Ne ishim në një aheng privat me njerëzit të cilëve u besuam”, ka pranuar Ruiz.