Geri Halliwell e ka krahasuar ish-kolegen se saj të “Spice Girls”, Victoria Beckhamin, si një ushqim që quhet Marmite, duke thënë se ose mund ta doni atë ose ta urreni.
Halliwell së bashku me Victorian, Melanie Brown, Melanie Chisolm dhe Emma Bunton, krijuan famën me hitin e tyre “Wannabe”, për t’u bërë grupi më i suksesshëm i femrave në historinë e Britanisë. Në ndërkohë, Halliwell e krahason Victorian me një ushqim anglez që ka ndarë popullsinë, ose ta urrejnë atë ose ta duan.

“E dini çfarë? Aktualisht unë dua t’i referohem Victorias… ju fitoni ndjesinë e të bardhës dhe të zezës, adhurim absolut apo jo. Ajo e di atë, ajo është si Marmite”.

“Unë absolutisht që e dua atë. Kjo vajzë që e njoh, nuk është absolutisht ajo që e shoh nëpër media”, ka thënë Halliwell.