Gjashtë vite më parë ajo do të merrte vendimin për ta nisur karrierën e saj larg qytetit të lindjes, Delvinës. Bertina ishte 18- vjeçare kur nisi të projektojë të ardhmen tashmë në një qytet të madh si Tirana. Ka pak ditë që është larguar nga shtëpia e Big Brother dhe personit të parë që i është besuar, është kushërira Ana. Larg syve kureshtarë, dy mikeshat i gjejmë mes diskutimeve për ndodhitë brenda shtëpisë.
“Bertina nuk është nga ato vajza që nuk krijon miqësi, por ndoshta nuk i ka ngjitur me ndonjë nga banorët aty”, shprehet Ana. Në këtë bisedë nuk mund të bënte përjashtim as lidhja e vajzës nga Delvina me një nga banorët e shtëpisë, Erjonin. “Nuk e prita keq. Ndoshta nga natyra jam liberale por me dukej sikur Erioni fshihej pas Bertinës, ndërkohë kjo ishte një tabelë qitjeje”, shton ajo.

Minutat kalojnë dhe pushimi i kafes mbaroi. Bertinës i duhet të kthehet në zyrë ku e pret puna e saj e zakonshme si arreduese dhe projektuese. Nuk kemi mbaruar. Ata që e njohin dhe në Tiranë janë të shumtë, thonë se shume se qëndrimin në lokal me miqtë për Bertinën sportet janë argëtimi më i mire. Ne pishinë i pëlqen të notojë vetëm, ndërsa në fushën e basketbollit kundërshtari është dhe miku i saj i ngushtë, Besi. “Ka qenë më mirë por do përmirësohet si më parë”, shprehet ai.