Istigfari më i mirë (Sejjidu-l-istigfar)


Autori i veprës Tabakatul-hanabile shënon se pasi një dijetar kishte ndërruar jetë, atë e kishte ëndërruar një mik i tij, që e kishte pyetur:

- Ç’bëri Allahu i Madhërishëm me ty?

- Në përgjithësi, të gjitha mi ka falur, si dhe secilin mëkat në veçanti, - i qe përgjigjur dijetari.

Miku e kishte pyetur pastaj:

- Çdo të na këshillosh?

- Ju këshillojë që sa më shumë ta lexoni Sejjidu-l-istigfarin (duaja e pendimit, me të cilën më së miri është të lutet Allahu i Madhërishëm ), - ia kishte kthyer ai.

Kjo dua me të vërtetë është e mrekullueshme dhe nevojitet që të mësohet përmendsh, të lexohet në mëngjes e mbrëmje, pas namazit si dhe të përsëritet në çdo moment.

Kjo dua është: “O Allah, Ti je Zoti im, nuk ka Zot tjetër përveç Teje. Ti më ke krijuar dhe unë jam robi Yt, dhe mundohem që ta ruaj premtimin dhe betimin që ta kam dhënë në saje të mundësive të mia. Mbështetem në Ty nga pasojat e veprave të këqija të cilat i kam bërë unë. Ty të kthehem me ndihmën e mirësive të Tua që mi ke dhuruar. Tek Ti i lë mëkatet e mia, prandaj dhe mi falë ato, sepse askush përpos Tej nuk mund t’i fal mëkatet.“

Kjo dua në vete ngërthen pohimin e njësisë, madhërisë dhe pendimit ndaj Allahut të Madhërishëm, mirënjohjen ndaj dhuntive të Tij , si dhe pranimin e mëkatit të bërë.