Shpërthejnë polemika në Nigeri për martesën fshehtë midis një senatori dhe një vajze 13-vjeçare. Senatori Ahmaed Sani Yerima u martua me një egjiptiane ende te papjekur, duke u lidhur kështu për herë të dytë me një minorene. Sipas shtypit, ai duhet të ketë derdhur 100.000 dollarë për kontratën e martesës, që është celebruar në xhaminë e Abujas. Megjithatë, shoqatat e grave dhe ato të të drejtave të njeriut, pohojnë se kjo martesë dhunon ligjin mbi mbrojtjen e fëmijëve, të aprovuar në vitin 2003 dhe atë për martesën përpara 18 vjeçëve, duke dënuar shkelësit me një gjobë prej 2500 eurosh, ose 5 vjet burg. Një grup senatoresh femra ka hedhur një peticion kundër Yerimas dhe bëri të ditur se do ta dërgojë çështjen në Parlament, madje duke kërkuar edhe masa kundër burrit të vjetër. Nga ana tjetër, edhe komisioni i të drejtave njerëzore ka hapur një hetim, për të verifikuar nëse martesa është ligjore dhe për të njohur çdo detaj të cështjes. Në vitin 1999, senatori Yerima, në cilësinë e guvernatorit te shtetit te Zamafaras, ishte i pari që mbështeti aprovimin e “Sharias”, të njohur si ligj islamik.

phy phy jazek

ja ka kojt babushit