Tinejxheri Justin Bieber ka fyer rëndë një anëtar të stafit pak para fillimit të njërit prej emisioneve më të shikuara në Australi, vetëm për shkak se anëtari i stafit e preku pak pop-sensacionin e ri.
“Ne ishim në transmetim të drejtpërdrejtë, ndërsa përgjatë një blloku të emisionit, ai u duk vërtetë djalë i mirë. Menaxheri ynë i dyshemesë shkoi te pjesa ku është dashur të performonte Bieber, ndërsa ky i fundit i tha: ‘Mos më prek dhe njëherë, i mallkuar’, menaxheri iu kthye: ‘Çfarë?’”.

“Më pas djaloshi që përkujdeset për zërimin e Bieber na tha: ‘Mos ia merrni për të madhe sepse ai këtë na thotë gjatë gjithë kohës’. Kështu që, isha pak i zhgënjyer nga ky fakt…mendoja se është dashur dikush që ta merrte në qoshe dhe ta rrihte pak me shpulla”, deklaroi njëri nga mysafirët e emisionit, David Coch.

Kjo nuk është hera e parë që Bieber nuk sillet mirë me njerëzit më të mëdhenj të televizionit. Ai gjatë një radio emisioni në Wales, papritmas në transmetim të drejtpërdrejtë u largua nga vendi i ngjarjes kur ishte pyetur për tatuazhin e tij.