Justin Bieber është shfaqur të jetë tejet i hidhëruar me spekulimet të cilat e nxirrnin në pah anën e ‘zezë’ të tij.
16-vjeçari javë më parë u raportua të ketë fyer rëndë një menaxher të dyshemesë në skenën e njërit prej emisioneve më të shikuara në Australi, ndërsa Bieber nuk nguroi dhe në faqen e tij të Twitterit pohoi se ato spekulime ishin thashetheme.

“Koha e familjes me nënën time nuk ka mundur të vijë në një kohë më të mirë…unë u rrita me respekt për të tjerët dhe jo të bëj thashetheme…apo t’u përgjigjem thashethemeve me hidhërim”.

“Unë e di që shokët, familja dhe fansat e dinë çfarë njeriu jam. Të dëgjoj të rriturit, duke shpërndarë gënjeshtra dhe spekulime, mendoj se është pjesë e punës. Por…gjithë ajo që dua të them është…i vrisni ata me dashuri, në mënyrë që të gjithë të jenë të buzëqeshur…të gjithë jemi të bekuar dhe unë iu jam falënderues të gjithëve që më keni dhënë rastin të bëj atë që dua më së shumti”, shkroi Bieber në Twitter.